Беларусь вярнула сабе права выставіць чатыры футбольныя клубы ў Еўропе
Поспехі гэтага сезона прынясуць плён у 2027 годзе / "Динамо-Минск"
Перамога мінскага "Дынама" над "Лудагорцам" у асноўны час матча кваліфікацыі Лігі чэмпіёнаў дазволіла Беларусі падняцца на 50-е месца ў рэйтынгу каэфіцыентаў УЕФА. Гэта азначае, што ў еўракубкавым сезоне 2027/2028 нашу краіну зноў прадставяць чатыры клубы.
Нагадаем, што тры беларускія клубы — "Нёман", "Тарпеда-БелАЗ" і "Дынама-Брэст" — пачалі барацьбу за выхад у групавы этап Лігі канферэнцый з перамог. 17 ліпеня яны правядуць матчы ў адказ. Калі яны зноў перамогуць, як і тыдзень таму, то яшчэ больш узмоцняць пазіцыі Беларусі ў еўракубкавым рэйтынгу.
Мінскае "Дынама" працягне свой еўракубкавы шлях на наступным тыдні матчам другога раўнда кваліфікацыі Лігі канферэнцый супраць чэмпіёна Албаніі — "Эгнатыі".
