Беларус стаў чэмпіёнам Еўропы па баявым самба
Турнір праходзіць у Лімасоле / noc.by
Беларускі самбіст Эдуард Куцко стаў чэмпіёнам Еўропы ў раздзеле баявога самба. На турніры ў Лімасоле (Кіпр) ён атрымаў перамогі над сапернікамі з Босніі, Сербіі, Арменіі, а ў фінале разграміў расіяніна Аляксея Іванова — 8:0.
Гэта другое “золата” беларусаў на турніры, дзе яны выступаюць у нейтральным статусе.
Раней чэмпіёнкай Еўропы стала Марыя Кандрацьева.
Усяго беларусы заваявалі 10 медалёў: 2 залатыя, 1 срэбны і 7 бронзавых.
