Аранжавы ўзровень небяспекі: на суботу прагназуюць вецер да 15-20 м/с

У суботу, 13 лютага, будзе воблачна, удзень з праясненнямі, паведамляе Белгідрамет. 

Уначы і зранку ў многіх раёнах чакаецца снег, завея, на дарогах снежныя заносы, па паўднёвым усходзе краіны — моцны снег. Днём па захадзе і цэнтры Беларусі месцамі прагназуецца невялікі снег, а па ўсходзе краіны — снег, у асобных раёнах завіруха. 

Вецер будзе паўночны, на большай частцы тэрыторыі моцны парывісты — да 15-20 метраў за секунду. У сувязі з гэтым сіноптыкі абвясцілі аранжавы ўзровень небяспекі. 

Уначы тэрмпметры пакажуць 12...-17 ніжэй за нуль, удзень чакаецца 7...13 марозу, па захадзе будзе -2...-6.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.