Амерыканец, які прыехаў у грузавым вагоне, двойчы спрабаваў трапіць у Беларусь
Амерыканец прыехаў у грузавым вагоне / Кадр з відэа
Да свайго затрымання грамадзянін ЗША, які прыехаў у пустым грузавым вагоне, двойчы спрабаваў трапіць на тэрыторыю Беларусі. Пра гэта расказалі ў Памежным камітэце РБ.
24 сакавіка амерыканец двойчы спрабаваў заехаць на тэрыторыю нашай краіны. Зранку ён ехаў праз пункт пропуску Каменны Лог (Мядзінінкай), а ўвечары таго ж дня — праз памежны пераход Беняконі (Шальчынінкай). Памежнікі адмовіліся прапусціць яго, бо малады чалавек "не змог пацвердзіць наяўнасць сродкаў, неабходных для пакрыцця расходаў па яго знаходжанні ў Рэспубліцы Беларусь і выезду з нашай краіны".
Аднак настойлівы амерыканец усё ж трапіў у Беларусь у ноч на 31 сакавіка. Затрымалі яго на чяыгуначнай станцыі Маладзечна.
На замежніка пачалі адміністрацыйную справу за незаконнае перасячэнне дзяржаўнай граніцы Беларусі. Пасля прыцягнення да адміністрацыйнай адказнасці яго дэпартуюць у Літву.
