Адзін з лідараў БХД Яўген Дудкін прызнаўся ў супрацы з КДБ
Яўген Дудкін / racyja.com
Адзін з лідараў БХД, гісторык Яўген Дудкін на пасяджэнні яе ўправы ў канцы студзеня прызнаўся ў супрацы з КДБ. Яго справу расследуюць польскія спецслужбы, а беларускіх актывістаў цягаюць на допыты, піша "Наша ніва".
Дудкіну 36 гадоў. У Польшчы ён жыве з 2018-га. Пераехаў на заробкі, а цяпер кіруе фондам "Беларуская хрысціянская дэмакратыя". Паводле даных выдання, сам Дудкін прызнаўся, што быў завербаваны яшчэ падчас вучобы ў Магілёўскім універсітэце ў канцы 2000-х — пачатку 2010-х. Польскія сілавікі атрымалі доказы яго супрацы з дзяржбяспекай Лукашэнкі.
БХД тым часам выпусціла заяву пра тое, што кіраўнік спрабаваў ажыццявіць "рэйдарскі захоп" фонду.
