50-гадовы беларус, які ваяваў за Расію, трапіў ва ўкраінскі палон
Палонны Станіслаў Бялькевіч / Скрыншот
50-гадовы беларус, які ваяваў за Расію, трапіў ва ўкраінскі палон. Ён просіць Лукашэнку дапамагчы яму вярнуцца дадому: "Загадзя дзякуй!".
Станіслаў Бялькевіч называе сябе беларускім вайскоўцам. Ён нібыта знаходзіўся на вучэннях у Расіі. А "там далі аўтамат і адправілі на рэальную вайну. Цягам усіх дзеянняў наш узвод разграмілі, а я трапіў у палон", — расказвае Бялькевіч.
Расказ выглядае выдумкай, бо ніякіх іншых пацвярджэнняў, каб пасля нейкіх вучэнняў беларускіх вайскоўцаў мэтанакіравана адпраўлялі з Расіі ваяваць ва Украіну, няма. Але ва ўкраінскім палоне ўжо знаходзяцца блізка да 10 грамадзянаў Беларусі, якія з розных прычынаў добраахвотна паехалі ваяваць на расійскім баку ў прыватным парадку.
