З'явіліся здымкі каліноўцаў, якія ўдзельнічаюць у абароне Пакроўска

З'явіліся здымкі каліноўцаў, якія ўдзельнічаюць у абароне Пакроўска. На іх — праца мінамётнага разліку групы "Волат" Палка Каліноўскага.

Як піша прэс-служба падраздзялення, беларусы "прымаюць удзел ў жорсткіх баях за горад Пакроўск". Беларускія добраахвотнікі змагаюцца разам з украінскімі вайскоўцамі, даючы годны адпор расійскім акупантам.

Расійскія войскі вядуць наступ на горад, каб выйсці, у тым ліку, на адміністрацыйныя межы Данецкай вобласці. Аднак украінскія падраздзяленні контратакуюць і маюць поспехі.

Пад Пакроўскам загінула беларуска Марыя Зайцава. Добраахвотніца была ў складзе Другога інтэрнацыянальнага легіёна Украіны.