З-за моцнага снегападу ў Мінску “Дынама” не дагуляла матч супраць “Нёмана”
Гульня на стадыёне “Дынама” была спынена ў першым тайме / bel.football
5 красавіка прайшлі чарговыя матчы трэцяга тура ў Вышэйшай лізе. У Маладзечне мясцовы клуб прайграў БАТЭ з мінімальным лікам — 0:1.
За некалькі гадзін да пачатку сустрэчы поле стадыёна было ў снезе. З-за гэтага пачатак гульні перанеслі на 30 хвілін, каб расчысціць газон. Адзіны гол быў забіты ў канцы першага тайма.
“Віцебск” дома лёгка разабраўся з “Нафтанам” — 2:0. Зазначым, што напярэдадні трэнерскі пост “паўночнікаў” пакінуў Сяргей Ясінскі.
У Мінску галоўная гульня тура — сустрэча “Дынама” і “Нёмана” — перарвалася з-за моцнага снегападу. Гэтую гульню правядуць у чэрвені або ліпені.
6 красавіка трэці тур завершыцца трыма матчамі:
“Іслач” — “Мінск”
“Арсенал” — “Смаргонь”
“Гомель” — “Славія”
