Жыхар Вілейкі схіляў непаўналетніх да наркотыкаў і сексу
29-гадовага жыхара Вілейкі будуць судзіць за збыт наркотыкаў і ўцягванне непаўналетніх у антысацыяльныя паводзіны, а таксама за сексуальныя стасункі з асобамі, якія было меней за 16 гадоў. Расследаванне гэтай справы завяршыў Следчы камітэт і цяпер яна перададзеная ў суд.
Як паведамляе прэс-служба ведамства, абвінавачанага затрымалі з траўні гэтага года і спачатку ён праходзіў толькі па справе распаўсюду наркотыкаў. Ён вырошчваў каноплі, прадаваў сыравіну. У яго дома знайшлі 4 кілаграмы марыхуаны, макавую саломку, гашышны алей, грыбы з асабліва небяспечнымі псіхатропамі і альфа-PVP.
Далей выявілася, што мужчына прыводзіў да сябе дадому падлеткаў, якім прапаноўваў спіртное і наркотыкі. Сам ён таксама спажываў забароненыя рэчывы. Ароч таго, ён меў сексуальныя стасункі з дзвюма 15-гадовымі дзяўчатамі, пра ўзрост якіх ведаў.
Цяпер яму інкрымінуюць адразу пяць артыкулаў — незаконны абарот наркотыкаў, схіленне да іх спажывання непаўналетніх, наданне памяшкання для спажывання наркотыкаў, уцягванне непаўналетніх у антысацыяльныя паводзіны і сексуальныя стасункі з асобамі, малодшымі за 16 гадоў. Фігурант справы знаходзіцца пад вартай.
