Вызвалены палітвязень Мацвей Гранкевіч
У Беларусі налічваецца паўтары тысячы палітвязняў / З архіва Еўрарадыё
Вызвалены палітвязень Мацвей Гранкевіч. Ён быў за кратамі з лістапада 2021-га. Студэнта 4-га курса гістфака Беларускага дзяржаўнага педагагічнага ўніверсітэта імя Максіма Танка затрымалі пасля таго, як ідэнтыфікавалі па фота з акцыі пратэсту. Праваабаронцы прызналі яго палітвязнем. У жніўні 2022-га Гранкевіча асудзілі за ўдзел у пратэстах і "распальванне іншай сацыяльнай варожасці" на 2 гады і 2 месяцы калоніі. Неўзабаве пасля гэтага КДБ унёс хлопца ў "спіс тэрарыстаў".
З канца мінулага года Мацвей Гранкевіч знаходзіўся ў бабруйскай папраўчай калоніі № 2. Ён цалкам адбыў тэрмін і вызваліўся ў жніўні 2023-га.
У Беларусі налічваецца паўтары тысячы палітвязняў, прызнаных праваабаронцамі. Насамрэч іх нашмат больш.
