Вызначыліся ўсе паўфіналісты Кубка Беларусі па футболе
Навічок Вышэйшай лігі “МЛ Віцебск” імкнецца да свайго першага сур’ёзнага трафея / "МЛ Витебск"
9 сакавіка сталі вядомыя ўсе ўдзельнікі паўфіналу Кубка Беларусі па футболе. У Мінску “Нёман” толькі ў серыі пенальці здолеў перайграць “Іслач” — 4:2 (асноўны час — 0:0).
У Слуцку гледачы таксама ў асноўны час не пабачылі галоў, але па суме двух матчаў ФК “Віцебск” выходзіць далей (2:0 у першай гульні).
У паўфінал Кубка Беларусі выходзяць “Тарпеда-БелАЗ”, “МЛ Віцебск”, “Нёман” і ФК “Віцебск”.
Жараб’ёўка пар адбудзецца 10 сакавіка.
Нагадаем, што 8 сакавіка ў Жодзіне мясцовае “Тарпеда-БелАЗ” мінімальна абыграла брэсцкае “Дынама” — 1:0 (першы матч у Брэсце — 0:0).
У Віцебску навічок Вышэйшай лігі “МЛ Віцебск” проста знішчыў “Белшыну” — 6:0 (першы матч у Бабруйску — 1:2 на карысць “МЛ Віцебск”).
