Выйшаў глабальны даклад пра стан антысемітызму. Месца Беларусі і нашых суседзяў

Што яшчэ выявілі даследчыкі антысемітызму

На глабальным узроўні 46% дарослага насельніцтва падзяляюць антысеміцкія стэрэатыпы — гэта прыкладна 2,2 млрд чалавек. За апошнія 10 гадоў, з пачатку маніторынгу, узровень антысемітызму вырас больш чым удвая, дасягнуўшы рэкордных значэнняў.

У Усходняй Еўропе антысемітызм фіксуецца ў 30–40% насельніцтва, што значна вышэй, чым у Заходняй Еўропе, дзе гэты паказчык у 2–3 разы ніжэй.

Самы высокі ўзровень антысемітызму зафіксаваны на Заходнім беразе ракі Іардан і ў Газе (97%), такі ж паказчык адзначаны ў Кувейце. Самы нізкі ўзровень у Швецыі (5%), Нарвегіі, Канадзе і Нідэрландах — па 8%.

У маштабным даследаванні ўдзельнічалі больш за 58 000 дарослых з 103 краін і тэрыторый, што ахоплівае 94% дарослага насельніцтва планеты.

Апытанне таксама паказала, што 20% рэспандэнтаў ва ўсім свеце ніколі не чулі пра Халакост. Толькі 48% прызнаюць гістарычную дакладнасць гэтых падзей, прычым сярод моладзі ва ўзросце ад 18 да 34 гадоў гэты паказчык зніжаецца да 39%.

Акрамя таго, сярод рэспандэнтаў маладзейшых за 35 гадоў узровень антысеміцкіх настрояў складае 50%, што на 13 працэнтных пунктаў вышэй, чым у людзей старэйшых за 50 гадоў.