Уночы на 7 чэрвеня Расія абстраляла Харкаў
Наступствы ўдару па Харкаве / ДСНС Украіны
Уночы на 7 чэрвеня Расія абстраляла Харкаў. Па горадзе выпушчаныя не менш за 53 "Шахеды", 4 кіраваныя авіябомбы і 1 ракета.
Пад удар патрапіў дзевяціпавярховы жылы дом. На яго верхніх паверхах пачаўся пажар.
На гэты момант вядома пра трох загінулых, 18 чалавек атрымалі раненні. Сярод іх 1,5-месячнае дзіця.
Таксама было атакаванае грамадзянскае прадпрыемства. Там пад заваламі могуць быць людзі.
