У Варшаве адкрыўся кірмаш з беларускімі кнігамі (фота)
У польскай сталіцы з 28 лістапада па 1 снежня праходзіць кірмаш гістарычнай кнігі.
Мерапрыемства адбываецца ў Каралеўскім замку. Сярод стэлажоў з польскай літаратурай, можна ўбачыць і кнігі 11 беларускіх выдавецтваў.
Адным з арганізатараў беларускага прадстаўніцтва на кірмашы з’яўляецца Беларускае гістарычнае таварыства.
Сёння ж, 30 лістапада, у межах кірмашу запланаваная дыскусія на тэму “Студзеньскае паўстанне ў вачах беларусаў, палякаў і расіян”.
