У Светлагорску падлетка асудзілі на 8 гадоў за згвалтаванне першакласніка
У Светлагорску раённы суд вынес рашэнне па справе былога вучня адной з вясковых школ, якога абвінавачвалі ў згвалтаванні васьмігадовага першакласніка. 16-гадовы хлопец асуджаны на 8 гадоў выхаваўчай калоніі. Як паведамілі БелаПАН у прэс-службе Гомельскага абласнога суда, абвінавачаны атрымаў мінімальнае пакаранне, прадугледжанае гэтым артыкулам. Прысуд пакуль не набыў законную моц.
Злачынства адбылося ў прыбіральні адной з вясковых школ. Ахвярай гвалтаўніка стаў першакласнік, які распавёў пра здарэнне бацькам. Паколькі абвінавачанаму на момант здзяйснення злачынства ўжо было 14 гадоў, ён панёс крымінальную адказнасць.
Фота з архіву
