У расіян з ВНЖ у Латвіі спытаюцца: "Чый Крым?"
Эдгарс Рынкевічс / bb.lv
Латвія будзе жорстка правяраць усіх расіян, якія жывуць у краіне на пастаяннай або часовай аснове. Пасля праверкі некаторым, верагодна, не падоўжаць ВНЖ. Пра гэта заявіў кіраўнік МЗС Латвіі Эдгарс Рынкевічс у інтэрв'ю "Настоящему Времени".
Міністр не выключыў, што пры падаўжэнні ВНЖ расіянам будуць задаваць пытанні: "Чый Крым? Што адбываецца ва Украіне?". Гэта патрэбна, каб высветліць іх палітычныя погляды, а таксама — ці падтрымліваюць яны агрэсіўную палітыку Расіі ва Украіне.
Цяпер у Латвіі від на жыхарства маюць каля 10 тысяч расіян.
