У Мінску затрымалі арганізатара навагодняга ранішніка для дзяцей
Сяргей Саўкін / фота з яго старонкі ў Фэйсбуку
У Мінску затрымалі сузаснавальніка праекта "Разумны Мінск" Сяргея Саўкіна, паведаміў тэлеграм-канал сілавікоў. Апазналі затрыманага мужчыну журналісты "Медыязоны".
Саўкін — арганізатар навуковага навагодняга ранішніка для дзяцей. Сілавікам не спадабалася, што ў ягонай навагодняй праграме гаворыцца: "Стары Дзед Мароз стаміўся і сыходзіць на пенсію, таму прыйшоў час выбраць новага". Яны заявілі, што мужчына "навязваў дзецям і іх бацькам палітычны падтэкст".
У відэа, які апублікавалі сілавікі, Саўкін кажа, што ўдзельнічаў у акцыях пратэсту ў 2020-м, блакаваў рух транспарту і быў падпісаны на тэлеграм-каналы, якія ў Беларусі прызнаныя "экстрэмісцкімі".
"Разумны Мінск" – навукова-папулярны праект для дзяцей і іх бацькоў.
