У Літве затрымалі вайскоўца з расійскім пашпартам, які ваяваў супраць Украіны
Уцёк з пазіцый / СБУ
У Літве затрымалі вайскоўца, які ваяваў супраць Украіны. Ён спрабаваў атрымаць статус уцекача ў Еўрасаюзе.
Як паведамляюць у СБУ, затрыманы — 33-гадовы ўраджэнец Сумскай вобласці, які пасля акупацыі Крыма выехаў на паўвостраў, атрымаў там расійскі пашпарт і заключыў кантракт з Мінабароны РФ.
Пасля навучання ён стаў аператарам беспілотнікаў, якімі наносіў удары па Херсоне. Але мужчына уцёк з пазіцый, а потым спрабаваў перасекчы мяжу Літвы.
Затрыманага абвінавачваюць у "дзяржаўнай здрадзе, учыненай ва ўмовах ваеннага становішча".
