У крамах сеткі "Карона" нельга аплаціць пакупкі смартфонам
Смартфон, ілюстрацыйнае фота
У крамах сеткі "Карона" з 1 красавіка 2025 года немагчыма аплаціць пакупкі з дапамогай плацежных дадаткаў накшталт Samsung Pay, Apple Pay, Huawei Pay ды іншых. Пра гэта кампанія паведаміла на сваім сайце.
Прычына адмены не называецца. Магчыма, праблемы звязаныя з санкцыямі супраць банка, чые тэрміналы стаяць у крамах сеткі.
Pay-сэрвісы працуюць у Беларусі з 2017 года. Але ў 2022 годзе шэраг банкаў трапіў пад заходнія санкцыі, пасля чаго не ўсе карткі беларускіх банкаў стала магчыма "прывязаць" да гэтых сэрвісаў.
З сэрвісамі накшталт Samsung Pay, Apple Pay працуюць банкі, якія не трапілі пад санкцыі.
Новыя плацежныя сэрвісы (Белкарт Pay, Mir Pay, Swoo Pay, Huawei Pay) працуюць толькі з Android і/ці Huawei, адзначае Office Life. Уладальнікі айфонаў па-ранейшаму могуць карыстацца толькі сэрвісам Apple Pay.
