У Беларусі яшчэ 15 чалавек прызналі палітвязнямі

У Беларусі яшчэ 15 чалавек прызналі палітвязнямі. Гэта Вікторыя Верас, Максім Чахоўскі, Генадзь Саўрыцкі, Аляксандр Рандарэнка, Аляксандр Мірскі, Вікторыя Гусарава, Вітольд Шалкевіч, Мікалай Юшчанка, Павел Вабішчэвіч, Аляксандр Зіненка, Дзмітрый Удовін, Андрэй Дарошка, Вячаслаў Ільіч, Ігар Кісляк і Віталь Папроцкі. Праваабаронцы лічаць іх справы палітычна матываванымі і патрабуюць вызвалення.

Удовін, Дарошка, Ільіч, Кісляк і Папроцкі абвінавачваюцца ў "распальванні іншай сацыяльнай варожасці або разладу", "закліках да санкцый". Вабішчэвіч і Зіненка абвінавачваюцца ў "замаху на тэрарыстычны акт", "дзяржаўнай здрадзе", "наўмысным прывядзенні ў непрыдатнасць шляхоў зносін", "незаконных дзеяннях у дачыненні да боепрыпасаў". Іх справа разглядаецца ў закрытым судовым пасяджэнні. Праўда, у паведамленнях прапагандыстаў называўся Андрэй Зіненка, а не Аляксандр, як у праваабаронцаў.

Агульная колькасць палітвязняў на сённяшні дзень складае 1256 чалавек.