У Беларусі адмовілі ў памілаванні 28 палітвязням
У Беларусі больш за 1200 палітвязняў / t.me/racyja/
У Беларусі адмовілі ў памілаванні 28 палітвязням. Пра гэта ў эфіры "Беларусь 1" паведаміў генпракурор Андрэй Швед. Паводле яго слоў, агулам камісія, якую ён узначальвае, атрымала 230 заяў "асуджаных за злачынствы экстрэмісцкага характару".
"Па 202 мы далі станоўчае заключэнне і па 28 палічылі, што асобы, якія звярнуліся, не могуць быць амніставаныя", — сказаў Швед.
Апошняе памілаванне групы палітвязняў (восем чалавек) адбылося 24 студзеня, напярэдадні "выбараў".
На сённяшні дзень у Беларусі больш за 1200 палітвязняў.
