У Бабруйску суткі чакалі, пакуль працверазее парадзіха, каб яе дапытаць

У Бабруйску следчыя суткі чакалі, пакуль працверазее парадзіха, каб яе дапытаць. У выдыханым паветры ў яе зафіксавалі 2,7 праміле алкаголя. Пра гэта ў Facebook паведаміла афіцыйная прадстаўніца Следчага камітэта Юлія Ганчарова.

Як паведамляла Еўрарадыё, 17 кастрычніка ў Бабруйску 32-гадовая жанчына дома нарадзіла дзіця. Медыкі пра гэта даведаліся пасля тэлефанавання чужога чалавека. Калі яны прыехалі, то знайшлі хлопчыка ў кустах, дзіця шпіталізавалі. Яго маці знаходзілася дома ў стане алкагольнага ап'янення. Крымінальную справу распачалі па факце замаху на забойства свайго нованароджанага сына. Раней жанчына неаднаразова прыцягвалася да крымінальнай адказнасці. Суд пазбаўляў яе бацькоўскіх правоў.