У 77% дзіцячых забаўляльных цэнтраў Мінска знайшлі парушэнні санітарных нормаў
У 77% дзіцячых забаўляльных цэнтраў Мінска знайшлі парушэнні санітарных нормаў / bananacity.by
77% дзіцячых забаўляльных цэнтраў Мінска маюць парушэнні санітарных нормаў. Праверка праходзіла ў 13 з 20 дзіцячых забаўляльных цэнтраў, якія знаходзяцца на тэрыторыі гандлёва-забаўляльных комплексаў Мінска.
Парушэнні выявілі ў 10 з 13 аб'ектаў. Яны датычацца недастатковай апрацоўкі гульнявога абсталявання, а таксама неадпаведнасці санітарным патрабаванням у памяшканнях, на абсталяванні і інвентары. У некаторых выпадках таксама адзначаўся нездавальняючы стан уборкі і дэзінфекцыі.
Акрамя таго, у шэрагу забаўляльных цэнтраў прадастаўляюцца паслугі грамадскага харчавання. Тут таксама былі знойдзеныя парушэнні ўмоў захоўвання прадуктаў і адсутнасць медыцынскіх даведак у супрацоўнікаў з адзнакамі аб праходжанні гігіенічнага навучання.
