Трактар урэзаўся ў цягнік у Брэсцкай вобласці
Трактар сутыкнуўся з цягніком у Брэсцкай вобласці / rw.by
Трактар сутыкнуўся з пасажырскім цягніком №676 Брэст-Гомель у Брэсцкай вобласці, паведамляе прэс-служба Беларускай чыгункі.
Інцыдэнт адбыўся 11 траўня ў 11:36 на рэгуляваным чыгуначным пераездзе без дзяжурнага працаўніка перагону Кобрын-Гарадзец.
У цягніку знаходзіўся 151 пасажыр. Ніхто з іх не пацярпеў. У выніку аварыі пашкоджана абшыўка вагонаў поезда.
Пасажырскі цягнік №676 Брэст-Гомель адправіўся са станцыі Гарадзец па ўсталяваным маршруце з затрымкай на 42 хвіліны ў 12:17.
