Сям'я з Гродна выгадавала 15 тысяч цюльпанаў проста ў сябе дома
Цюльпаны / NewGrodno.by
Сям'я з Гродна выгадавала 15 тысяч цюльпанаў проста ў сябе дома. У аранжарэю Ірына і Дзмітрый ператварылі вялікі пакой на другім паверсе будынка, які раней выкарыстоўвалі для сямейных святаў.
Большую частку года ён стаяў пусты. Пара вырашыла: чаго месцу губляцца? Ды і ідэя вісела ў паветры: бацькі Дзмітрыя займаліся цюльпанамі.
Кветкамі, якія 8 сакавіка аказваюцца ў руках дзяўчат, пачынаюць займацца прыкладна за год да свята. Замовіць гатункі на сезон трэба ў красавіку. Забраць насенне — цыбуліны — улетку. Перад пасадкай іх астуджаюць — ролю рэфрэжыратара ў Ірыны і Дзмітрыя выконвае склеп.
У другой палове восені цыбуліны цюльпанаў высаджваюцьца ў грунт з сумесі торфу і пяску. На 200 скрыняў па 70 цыбулін у кожнай сыходзіць некалькі дзён. І толькі ў канцы лютага прыходзіць пара зразаць і фасаваць кветкі для аптавікоў.
Гарадзенцы прагназуюць, што сёлета адзін цюльпан у вулічных прадаўцоў будзе каштаваць 3,5 рублі.
