Статкевіч і яшчэ некалькі палітвязняў адмаўляюцца пакідаць Беларусь
Мікалай Статкевіч / Еўрарадыё
Некалькі вызваленых палітвязняў адмаўляюцца ад экстрадыцыі на тэрыторыю Літвы.
Як стала вядома Еўрарадыё, Мікалай Статкевіч і Максім Вінярскі (актывіст "Еўрапейскай Беларусі") адмаўляюцца прымусова пакідаць радзіму і выязджаць у Літву.
Таксама на "Белсаце" з'явіліся звесткі, што разам з імі на памежнай паласе паміж дзяржавамі спыніліся метадолаг Уладзімір Мацкевіч і прафсаюзны актывіст Генадзь Фядыніч. Яны таксама адмаўляюцца пакідаць Беларусь.
Раней стала вядома, што пасля перамоваў з амерыканскай дэлегацыяй рэжым Лукашэнкі вызваліў 52 палітвязняў. Узамен за гэта ЗША знялі санкцыі з кампаніі "Белавія" і выказалі жаданне аднавіць паўнацэнную працу сваёй амбасады ў Беларусі.
