Стала вядома, як выглядаюць знутры беларускія бамбасховішчы
Бамбасховішча ў Ваўкавыску / volkovysknews.by
Стала вядома, як выглядаюць знутры беларускія бамбасховішчы: фатаздымкі аднаго з іх з'явіліся ў ваўкавыскай газеце.
Экскурсію для навучэнцаў школы №4 у бамбасховішча арганізавалі работнікі Ваўкавыскага раённага аддзела МНС.
Прадстаўнік МНС Віталь Буцько расказаў школьнікам, што збудаванне спраектаванае так, каб цягам некалькіх сутак абараняць людзей ад знешніх небяспечных фактараў: "Для такіх збудаванняў характэрныя трывалыя сцены, масіўныя герметычныя дзверы. Доўгае знаходжанне людзей магчыма дзякуючы надзейнаму электразабеспячэння, санітарна-тэхнічным прыладам, радыё- і тэлефоннай сувязі, а таксама запасам вады, харчавання і медыкаментаў".
На фота бачна, што бомбасховішча наўрад ці істотна абнаўлялася з канца савецкай эпохі.
Пра бамбасховішчы ў Беларусі загаварылі пасля пачатку шырокамаштабнай расійскай агрэсіі супраць Украіны. Аднак шырокай інфармацыйнай кампаніі аб размяшчэнні бамбасховішчаў у Беларусі няма.
