Следчы камітэт Расіі стварыў спецупраўленне па Украіне
Абвяшчаецца, што спецыяльнае ўпраўленне зоймецца расследаваннем злачынстваў міжнароднага характару, учыненых ва Украіне супраць мірных грамадзян.
Пра гэта інфармуе "Інтэрфакс" са спасылкай на афіцыйнага прадстаўніка ведамства Уладзіміра Маркіна. Да працы спецупраўлення будуць прымаць удзел ўсе следчыя падраздзяленні СКР, на тэрыторыі якіх прыбываюць уцекачы з Украіны.
Маркін заявіў, што СКр таксама збіраецца даць прававую ацэнку дзеянням ўкраінскага кіраўніцтва ў сувязі з "карнымі аперацыямі супраць мірных грамадзян у Данбасе". Гаворка ідзе як пра вайскоўцаў, так і пра асобаў, якія аддаюць загады або фінансуюць забойствы, заяўляе Маркін. У прыватнасці, СКР дасць прававую ацэнку дзеянням кіраўніка ўкраінскага МУС Арсена Авакава і кіраўніка Днепрапятроўскай дзяржадміністрацыі Ігара Каламойскага, а таксама іншых чыноўнікаў.
Фота — sledcom.ru
