Улады чакаюць дэмаграфічны рост з 2015 года
У Беларусі зацвердзілі Нацыянальную праграму дэмаграфічнай бяспекі на 2011-2015 гады.
Згодна з ёй, у краіне ў 2015 годзе павінен пачацца дэмаграфічны рост. Агульныя выдаткі на рэалізацыю праграмы складуць 6 трыльёнаў рублёў. Пра гэта паведаміў першы намеснік міністра працы і сацыяльнай абароны Пётр Грушнік.
Грушнік: "Асноўная мэта Нацыянальнай праграмы дэмаграфічнай бяспекі — стабілізацыя колькасці насельніцтва да 2015 года на ўзроўні 9,44-9,45 мільёнаў чалавек. І забеспячэнне пераходу да дэмаграфічнага росту. Інвестыцыі ў чалавека і яго здароўе з'яўляюцца асноўнай ідэяй праграмы. А наогул, хацелася б, каб гэтая праграма стала народнай".
