У Магілёве абмяркуюць, як дапамагчы палітвязням

Як паведаміў Еўрарадыё адзін з арганізатараў праваабарончага форуму ў Магілёве Дзяніс Садоўскі, прыярытэтам будзе арганізацыя дапамогі сем’ям палітвязняў, спробы спынення катаванняў у турмах. На думку Садоўскага, на міжнародным узроўні ў гэтым кірунку было зроблена дастаткова шмат.

Дзяніс Садоўскі: “Больш сканцэнтравацца менавіта на дапамогу і на каардынацыю, кансалідацыю сіл менавіта сем’ям, і зрабіць ўсё, што ад нас залежыць, каб здзекі і катаванні ў турмах спыніліся. На міжнародным узроўні, мне здаецца, шмат ужо зроблена. Мы б хацелі выпрацаваць агульную пазіцыю, але не ўпэўненыя, што здолеем гэта зрабіць”.

На форум былі запрошаныя палітыкі, праваабаронцы, адвакаты, сваякі палітвязняў, дыпламаты і журналісты, а таксама мясцовыя дэмактывісты.

Як адзначыў Садоўскі, падобныя праваабарончыя форумы плануюцца ў Віцебскай і Брэсцкай абласцях.