Францыя заклікае Беларусь вызваліць усіх палітвязняў
Міністэрства замежных справаў Францыі называе гэта папярэдняй умовай для аднаўлення канструктыўнага дыялогу.
Як перадае БелаПАН, Францыя прымае да ўвагі, што кіраўнік Беларусі памілаваў 9 палітвязняў, арыштаваных пасля мітынгу 19 снежня 2010 года. "Гэты жэст, да якога мы заклікалі, з'яўляецца крокам у правільным кірунку", — адзначаецца ў камюніке.
Нагадаем, 13 жніўня з папраўчых калоній выйшлі Зміцер Дрозд, Арцём Грыбкоў, Сяргей Казакоў, Яўген Сакрэт, Уладзімір Хамиічэнка, Уладзімір Яроменак, Васіль Парфянкоў, Віталь Мацукевіч, Алесь Квяткевіч.За кратамі застаюцца больш за 30 фігурантаў "справы 19 снежня", у тым ліку былыя кандыдаты ў прэзідэнты Андрэй Саннікаў, Мікола Статкевіч і Дзмітры Ус.
