Для пікета ў падтрымку Беляцкага брэсцкі стадыён аказаўся занятым
Але працаўнікам спартовага комплексу нічога не вядома пра запланаваныя мерапрыемствы.
Праабаронца Уладзімір Вялічкін атрымаў адказ з гарвыканкаму. На заяўлены дзень 22 жніўня стадыён "Лакаматыў" нібыта прымае гарадскі чэмпіянат па футболу. Але адміністрацыя ўстановы па тэлефоне не пацвердзіла праваабаронцу гэтую інфармацыю.
Як паведаміў "Еўрарадыё" Уладзімір Вялічкін, cтадыён "Лакаматыў" - амаль адзінае месца ў Брэсце, адведзенае грамадскім арганізацыям для правядзення масавых мерапрыемстваў. Але на самой справе гэта не першы выпадак, калі ўлады перашкаджаюць прадстаўнікам апазіцыі праводзіць там мітынгі і пікеты.
