Беспарадкі перакінуліся на Швецыю
У Гётэборгу група маладых людзей закідала паліцэйскіх камянямі і бутэлькамі з запальнай сумессю.
Пакуль не ясна, што стала прычынай беспарадкаў. Не выключана, што падставай для пачатку хваляванняў магло стаць затрыманне паліцэйскімі двух чалавек па падазрэнні ў вандалізме. У ходзе беспарадкаў былі разбітыя дзве паліцэйскія машыны, яшчэ адзін аўтамабіль хуліганы падпалілі. Моцна пацярпелых сярод паліцэйскіх няма. Ніхто з завадатараў або удзельнікаў пагромаў затрыманы не быў.
