Рэдакцыю нямецкай газеты спрабавалі атакаваць за карыкатуры
Невядомыя кінулі ў акно рэдакцыі камяні і запалены прадмет.
Паліцыя Гамбурга паведамляе пра напад на рэдакцыю газеты Hamburger Morgenpost, якая перадрукавала карыкатуры на прарока Мухамеда з французскага сатырычнага часопіса Charlie Hebdo.
Паводле прадстаўніка паліцыі, раннім ранкам невядомыя кінулі ў акно рэдакцыі камяні і запалены прадмет. Загарэлася два пакоі, але пажар хутка ўдалося патушыць. Ніхто не пацярпеў.
У мінулую сераду ў Парыжы быў здзейснены напад на рэдакцыю часопіса Charlie Hebdo, у выніку якога загінулі 12 чалавек і яшчэ 11 чалавек атрымалі раненні, нагадвае ВВС.
