Раяль, на якім граў Мікалай Лукашэнка, падарылі Мінскаму музычнаму каледжу
Мікалай Лукашэнка падчас "Марафону адзінства" / БЕЛТА
У музычныя каледжы ў Мінску і Магілёве перадалі два раялі, на якіх падчас прапагандыскай акцыі "Марафон адзінства" гралі Мікалай Лукашэнка і яго педагог па музыцы Алена Асташкіна-Мысліўчык.
"Педагогі і навучэнцы Мінскага дзяржаўнага музычнага каледжа імя М.І. Глінкі шчаслівыя атрымаць такі падарунак. Яны з натхненнем успрынялі такі падарунак —— раяль, на якім граў Мікалай Лукашэнка такую сур’ёзную музыку", — піша пра гэта БЕЛТА.
Дзяржаўная прапаганда расхваліла гэтую акцыю на ўсе лады. Беларускімі ралямі захапляліся педагогі і вучні як мінскага каледжа, так і Магілёўскага дзяржаўнага каледжа мастацтваў, куды перадалі другі інструмент. Асноўнае захапленне выказвалі тым, як на раялі выконваў музычныя творы Лукашэнка-малодшы.
Дарэчы, афіцыйным дарыцелем раяляў выступіла Федэрацыі прафсаюзаў Беларусі.
