Расійскі дрон на Данеччыне ўдарыў па аўтамабілі з чалавекам
Машына, у якую пацэліў расійскі дрон / Данецкая абласная пракуратура
16 траўня, калі ў Стамбуле прызначаныя мірныя перамовы, расійскія войскі атакавалі Канстанцінаўку ў Данецкай вобласці.
Пры абстрэлах два чалавекі загінулі, а яшчэ трое атрымалі раненні. Пра гэта піша hromadske.ua са спасылкай на Данецкую абласную пракуратуру.
Паведамляецца, што ўдар быў нанесены каля 11:30 дронам "Маланка-1". Удар прыйшоўся па аўтамабілі. Загінуў 55-гадовы мужчына, які быў за рулём аўто. Таксама падчас атакі загінуў 57-гадовы гараджанін, які знаходзіўся каля хованкі.
Раны атрымалі двое мясцовых жыхарак ва ўзросце 53 і 72 гадоў. У іх дыягнаставалі асколачныя раненні, апёкі і мінна-выбуховую траўму.
Праз 15 хвілін расіяне зноў атакавалі Канстанцінаўку FPV-дронам. Пры гэтым пацярпела 72-гадовая жанчына, якая была на рынку. У яе дыягнаставалі мінна-выбуховую траўму і асколачнае раненне. Стан пацярпелай дактары ацэньваюць як цяжкі.
