Расійскі беспілотнік упаў на дом у Люблінскім ваяводстве Польшчы
Дом, на які зваліўся збіты дрон / "Nowy Tydzień"
Адзін са збітых расійскіх беспілотнікаў зваліся на жылы дом у мястэчку Вырыкі ў Люблінскім ваяводстве. Абломкі беспілотніка пашкодзілі дах дома і прыпаркаваны ў двары аўтамабіль, перадае Polsat News.
Паведамляецца, што падчас здарэння ў доме былі людзі.
Прэс-сакратар Ваяводскага ўпраўлення паліцыі ў Любліне Анджэй Фіёлэк адзначае, што пацярпелых пры інцыдэнце няма.
Вырыкі размяшчаюцца прыкладна за 15 км ад мяжы з Беларуссю.
Падчас начной атакі на Украіну 10 верасня паветраную прастору Польшчы парушылі больш за дзясятак расійскіх дронаў. Польская СПА была прыведзеная ў гатоўнасць, у неба была паднятая авіяцыя Польшчы і NATO. Некаторыя дроны былі збітыя.
