Прэм'ер-міністр Сербіі ідзе ў адстаўку на фоне пратэстаў

Прэм'ер-міністр Сербіі Мілаш Вучавіч сыходзіць у адстаўку. Гэта адбываецца на фоне шматлюдных акцый пратэсту, якія працягваюцца ў краіне ўжо тры месяцы.

Яны пачаліся пасля таго, як у лістападзе 2024-га на вакзале ў Нові-Садзе абваліўся дах. У выніку загінулі 15 чалавек, а двое атрымалі сур'ёзныя раненні.

Пратэстоўцы патрабуюць палітычнай і крымінальнай адказнасці для вінаватых у гэтай трагедыі. Іх асноўнае патрабаванне — адстаўка прэм'ер-міністра і мэра Нові-Сада.

Асноўныя ўдзельнікі акцый пратэсту — студэнты, якія вінавацяць уладу ў карупцыі. Падчас пратэстаў яны перашкаджаюць руху транспарту — у прыватнасці, яны заблакавалі найбуйнейшую транспартную развязку Бялграда. Таксама яны ладзяць акцыі памяці ахвяр.