Пенсіянер у Івацэвічах загінуў пры пілаванні дроваў
Трагічнае здарэнне адбылося 2 кастрычніка ў Івацэвічах. 81-гадовы пенсіянер атрымаў смяротную траўму пры пілаванні дроваў. Падрабязнасці здарэння паведамляе БЕЛТА са спасылкай на УУС Брэсцкага аблвыканкама.
У другой палове дня мужчына пілаваў дровы. У нейкі момант ён выпусціў з рук дыскавую пілу, тая пашкодзіла яму сцегнавую артэрыю. Калі жонка знайшла пенсіянера, ён быў ужо мёртвы.
Праверкай гэтага здарэння займаецца Івацэвіцкі раённы аддзел Следчага камітэта.
