У Беларусі памілаваныя 22 чалавекі
Палітвязні, ілюстрацыйнае фота / shutterstock / Fanni_2021
Напярэдадні Новага года Лукашэнка сваім указам памілаваў 22 чалавекі, паведамляе яго прэс-служба.
Адзначаецца, што 20 з іх былі асуджаныя паводле палітычных матываў — за так званыя "злачынствы экстрэмісцкай накіраванасці".
Імёны памілаваных не называюцца. Вядома, што сярод іх 15 жанчын і 7 мужчын, у 11 чалавек ёсць непаўналетнія дзеці.
Аб прымусовай высылцы памілаваных за межы Беларусі не паведамляецца.
