Памёр знакаміты амерыканскі тэлевядучы Лары Кінг
Ларs Кінг / CNN
Ва ўзросце 87 гадоў памёр знакаміты амерыканскі тэлевядучы Лары Кінг. Пра гэта паведамляе яго афіцыйнага старонка ў Twitter.
У пачатку студзеня стала вядома, што Кінга шпіталізавалі са станоўчым тэстам на COVID-19.
Лоўрэнс Харві Зэйгер (сапраўднае імя Лары Кінга) нарадзіўся 19 лістапада 1933 года ў раёне Нью-Ёрка Брукліне ў габрэйскай сям'і эмігрантаў з Аўстрыі і Беларусі.
У журналістыцы пачаў працаваць з 1957 года: спачатку на радыё, а пасля на тэлебачанні. За сваю кар'еру ён правёў больш за пяцьдзесят тысяч інтэрв'ю з палітыкамі, спартоўцамі, артыстамі і іншымі знакамітасцямі.
Знакаміты адказ Уладзіміра Пуціна "Яна патанула" 8 верасня 2000 года быў агучаны менавіта на пытанне Лары Кінга пра тое, што здарылася з падводнай лодкай "Курск".
— Larry King (@kingsthings) January 23, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
