Палітык Аляксандр Мілінкевіч ідзе на папраўку
Аляксандр Мілінкевіч / Еўрарадыё
Палітык Аляксандр Мілінкевіч ідзе на папраўку. Ён перамог пнеўманію, якая пачалася пасля складанай аперацыі, і цяпер знаходзіцца на добрай дарозе, кажа жонка Мілінкевіча Іна Кулей.
"Шлях да поўнага адужвання не блізкі, але я веру. Веру безумоўна і бясконца. І ведаю, што свята яшчэ наперадзе", — напісала яна ў сацсетках.
Месяц таму 78-гадовы Мілінкевіч перанёс аперацыю на соннай артэрыі. Калі адтуль выдалілі тромб, пачаўся моцны крываток. Палітык трапіў у рэанімацыю ў цяжкім стане.
"Увесь гэты месяц мы гойдаліся на эмацыйных арэлях: крок наперад — крок назад, — прызнаецца Іна Кулей. — Дарагія, усе хто чакае і верыць — свята яшчэ наперадзе. І здароўе, і вяртанне, і Беларусь".
Аляксандр Мілінкевіч — былы кандыдат у прэзідэнты, ён балатаваўся на гэты пост у 2006 годзе.
