На палявы збор вайскова-патрыятычных клубаў прывезлі прапагандыстаў і святара

29 чэрвеня адкрыўся першы палявы збор вайскова-патрыятычных клубаў унутраных войскаў. На сённяшні дзень іх наліваецца 18, за год у іх запісалі каля 2 тысяч хлопцаў і дзяўчат.

Усе ўдзельнікі збору атрымалі аднолькавую ўніформу. Прысутны там намеснік міністра ўнутраных спраў, камандуючы ўнутранымі войскамі Мікалай Карпянкоў сказаў, што выхаванцы гэтых клубаў стануць зменай цяперашніх сілавікоў. Тых, якія абараняюць рэжым Аляксандра Лукашэнкі. "Мы тут і цяпер ствараем будучыню краіны, пішам новую гісторыю Беларусі", — заявіў Карпянкоў.

На адкрыцці збору быў міністр адукацыі Андрэй Іванец. Ён нагадаў, што "на дзяржаўным узроўні выбудавана сістэмная работа па ваенна-патрыятычным выхаванні моладзі", адкрыты цэнтры дапрызыўнай падрыхтоўкі больш чым 400 пошукавых атрадаў. А ў апошнія гады да іх далучыліся клубы пры вайсковых часцях.

На збор да дзяцей прывезлі праваслаўнага святара і некалькіх прапагандыстаў.