"Мясны полк": маштабы страт і дэзерцірства ў 144-й АМСБр

Прычына гібелі 210 вайскоўцаў не пазначаная. Сярод тых, па каму ёсць удакладненні, 180 чалавек загінулі ад артылерыйскага або мінамётнага агню, 77 – ад скідаў дронаў і удараў ФПВ, 22 – ад агнястрэльных раненняў, 12 – падарваліся на мінах, 9 – загінулі ў выніку ракетных удараў. Шэсць вайскоўцаў здзейснілі самагубства. Яшчэ 84 чалавекі адносяцца да катэгорыі небаявых страт.

У большасці з іх пазначаны прычыны смерці – інфаркты і інсульты, але сустракаюцца і больш незвычайныя выпадкі. Напрыклад, Глінін Аляксей са Славянска-на-Кубані быў забіты вайскоўцамі іншай часткі.

Калегам застрэлены Іваноў Сяргей з сяла Сіняўка Ліпецкай вобласці. Іламаў Рамзан з Хакасіі расстраляны уласным камандзірам (менавіта так адзначана ў дакументах).

Яшчэ некалькі вайскоўцаў былі зарэзаныя альбо загінулі ад удараў тупымі прадметамі па галаве. Сем вайскоўцаў былі чымсьці атручаныя", – паведамляе праект "Хачу жыць".

У матэрыялах зафіксаваны ўстойлівы рост колькасці уцёкаў з 2022 года, які рэзка паскорыўся ў 2024-2025 гадах. Пры гэтым, большасць дэзерціраў — кантрактнікі, сярэдні ўзрост 37 гадоў.

"Расійскае камандаванне спрабуе змагацца з дэзерцірствам самымі жорсткімі метадамі — ад катаванняў і паказальных пакаранняў смерцю да рэальных распраў. Але нават такія меры не спыняюць тэндэнцыю. У 144-й асобнай мотастралковай брыгадзе, напрыклад, з 1,4 тысячы дэзерціраў змаглі вярнуць больш за 1,1 тысячы, тады як яшчэ больш за 250 застаюцца ў вышуку", — піша "Обозреватель".

"Хачу жыць" нагадвае, што калі вайсковец доўгі час не выходзіць на сувязь і пры гэтым прыбывае ў статусе СПЧ, гэта можа быць сведчаннем таго, што чалавек быў "абнулены" камандаваннем і наўмысна залічаны ў СПЧ для ўтойвання злачынства".

Абнуленне — гэта тэрмін, які ўвялі расійскія вайскоўцы пасля ўварвання ва Украіну. Ім называюць забойства сваіх жа таварышаў па службе з мэтай запалохаць, пакараць або зарабіць грошы. Абнуленне можа гэтак жа азначаць адпраўку ў "мясны" штурм, гэта значыць без зброі і рыштунку.

Нядаўна расійскае незалежнае выданне "Вёрстка" сабрала дадзеныя больш за 100 "абнуляльнікаў" у расійскім войску. Сярод іх няма камандзіраў з 144-ай АМСБр, але ў СМІ зафіксаваныя выпадкі сістэмнага прымянення "абнулення" ў в/ч 40463, в/ч 90600, в/ч 71443, в/ч 16871, в/ч 12322 і іншых. "Вось так" піша, што незаконныя пакаранні праводзяць як камандзіры, так і прызначаная імі "асабістая ахова", якая атрымлівае прывілеі ад кіраўніцтва, напрыклад, знаходзіцца ў тыле. Зафіксаваныя таксама выпадкі, калі калегі дабіваюць параненых, каб не эвакуяваць. Тым, хто спрабуе дапамагчы таксама пагражаюць "абнуленнем".