Міністэрства вайны Трампа: ад вайны з Мадурам і Сі да кампліментаў Лукашэнку

Прэзідэнт ЗША Дональд Трамп на час свайго кіравання перайменаваў Міністэрства абароны ў Міністэрства вайны. І ў чарговы раз расказаў, што менавіта Злучаныя Штаты перамаглі і ў І, і ў ІІ Сусветных войнай. Больш за тое, менавіта ЗША перамаглі ва ўсіх іншых войнах, якія былі ў свеце з часоў існавання ЗША. Ну, ці маглі б перамагчы, калі б прэзідэнтам быў Трамп. Да ўсяго Трамп паабяцаў распрацаваць гарантыі бяспекі для Украіны (ну, тыя, дзе галоўнымі гарантамі будуць краіны Еўропы), адначасова скараціўшы выдаткі на ваенную дапамогу краінам, што мяжуюць з Расіяй. І ў чарговы раз насыпаў кампліментаў Лукашэнку.

З кім будзе ваяваць Міністэрства вайны Трампа і ці здольныя ЗША перамагчы кааліцыю на чале з Кітаем? Ці здольная Еўропа даць гарантыі бяспекі Украіны і пры чым тут ЗША? Навошта Трампу званкі Лукашэнку і ці здольныя прыхільнікі перамоў з рэжымам схіліць на свой бок ЕС? На гэтыя ды іншыя пытанні ў жывым эфіры Еўрарадыё адказвае амерыканіст, дарадца Агенцтва еўраатлантычнага супрацоўніцтва Антон Пянькоўскі.