Мінчук скраў з крамы 188 шакаладак
Сталічныя міліцыянты затрымалі непрацуючага, раней судзімага 37-гадовага мінчука за крадзеж 188 плітак шакаладу. Пра гэта паведамляе прэс-служба ГУУС Мінгарвыканкама.
У міліцыю звярнуліся супрацоўнікі адной са сталічных крам. Па іх словах, адзін з работнікаў заўважыў, як наведнік крамы хавае тавар па кішэнях і пад куртку. Калі да зламысніка звярнуліся, ён кінуўся наўцёкі.
На мужчыну пачалі крымінальную справу за рабаванне. Яму пагражае да чатырох гадоў пазбаўлення волі.
