Мадэль і актрысу з Мінску асудзілі за ўдзел у пратэстах
Мадэль і актрысу з Мінску асудзілі за ўдзел у пратэстах / unsplash.com
У судзе Цэнтральнага раёна Мінска асудзілі актрысу і мадэль Кацярыну Явід. Дзяўчыну пакаралі па артыкуле 342 КК за ўдзел у пратэстах. Ёй прысудзілі "хатнюю хімію", піша "Наша Ніва".
Кацярыне 30 гадоў. Яна мінчанка. Мяркуючы па звестках у сацсетках, працуе ў кампаніі па продажу керамічнай пліткі. Апроч таго, Кацярына вядомая як мадэль, а таксама перыядычна здымаецца ў фільмах і серыялах,
Яна ўдзельнічала ў 12 праектах, пераважна гэта эпізадычныя ролі. Найлепшы з серыялаў, у якіх грала Кацярына Явід, мае на IMDB рэйтынг 7,7 — гэта расійскі дэтэктыў "Змеі і лесвіцы" (2020). Апошні з праектаў выйшаў у мінулым годзе, гэта меладраматычны серыял "Рыбка па імені Люба".
