Лукашэнка выпускае яшчэ 25 вязняў

16 верасня Аляксандр Лукашэнка прыняў рашэнне аб памілаванні 25 чалавек. Сярод іх, як паведамляе яго прэс-служба, ёсць і людзі, асуджаныя "за злачынствы экстрэмісцкай накіраванасці" — гэта значыць, палівязні.

Сярод памілаваных — 12 жанчын і 13 мужчын. 19 чалавек яшчэ не дасягнулі 40 гадоў. У многіх з іх ёсць дзеці, а адна асуджаная з'яўляецца шматдзетнай маці. Таксама паведамляецца, што адзін з памілаваных быў непаўналетнім на той момант, калі яму прыпісваюць злачынства.

Прозвішчы вызваленых пакуль невядомыя.

Папярэдняе вызваленне палітвязняў адбылося 11 верасня. Тады з-за кратаў выйшлі 52 чалавекі, іх вывезлі ў Літву. Аднак вызвалены апазіцыйны лідар Мікола Статкевіч адмовіўся пакідаць радзіму і вярнуўся ў Беларусь. Пасля гэтага афіцыйных звестак пра яго месцазнаходжанне няма.