Каля ўрадавых будынкаў у Варшаве перахапілі дрон і затрымалі беларусаў
Бельведэр у Варшаве / Fotorzepa
Служба аховы дзяржавы нейтралізавала дрон, які лятаў у Варшаве над урадавымі будынкамі на вуліцы Паркавай і каля Бельведэра. Пра гэта ўвечары 15 верасня напісаў у сацсетках кіраўнік польскага ўрада Дональд Туск.
Затрымалі двух грамадзян Беларусі, паліцыя высвятляе акалічнасці інцыдэнту.
Журналісты Onet.pl даведаліся, што затрыманым беларусам каля 20 гадоў.
У Бельведэры ад жніўня пражывае прэзідэнт Караль Наўроцкі з сям'ёй. Цяпер польскі прэзідэнт перабывае ў Германіі з афіцыйным візітам.
Меркаванні палякаў пад допісам Туска падзяліліся. Адны заклікаюць да дэпартацыі беларусаў, іншыя публікуюць фота з дзіцячымі самалёцікамі. Таксама пішуць, што закрыць грузавую мяжу з Беларуссю было дрэннай ідэяй, бо перавозчыкі ўжо нясуць вялізарныя страты.
Przed chwilą Służba Ochrony Państwa zneutralizowała drona operującego nad budynkami rządowymi (Parkowa) i Belwederem. Zatrzymano dwóch obywateli Białorusi. Policja bada okoliczności incydentu.
— Donald Tusk (@donaldtusk) September 15, 2025
