ГУБАЗіК пахваліўся разгромам кватэры Андрэя Павука
Супрацоўнікі ГУБАЗіК у сваім тэлеграм-канале апублікавалі відэа з разгромленай кватэры блогера Андрэя Павука. У кватэры пашкодзілі мэблю, тэхніку, прабілі дзірку ў міжпакаёвых дзвярах, раскідалі рэчы.
Як распавядала Еўрарадыё, у пустую кватэру Андрэя і Вольгі Павукоў сілавікі прыйшлі 26 траўня. Жытло знаходзіцца ў пасёлку Акцябрскім на Гомельшчыне.
Раней супрацоўнікі ГУБАЗіКа гэтаксама разграмілі кватэры Яніны Сазановіч і Вадзіма Пракоп’ева.
